Julieta gazte umezurtza, bere etxean bizi da bakarrik, eta gustukoak ditu jaki onak egin, dantzatu eta bere burua mimatzea. Bere etxean bizi diren sagutxoak ere ondo baino hobeto bizi dira Juliaren jaki gozoen hondakinak janez. Baina Julieta maitemindu omen da eta dieta egiteari ekin dio. Akabo saguentzako hondakin gozoak eta jateko aukera oparoak. Saguak amorratzen hasi dira. Baina, itxaropena itzuliko dien zerbait gertatu da: Romeo izeneko gazte bat etortzen da etxera Julietari irakasgai bat prestatzen laguntzera. Juliak harentzat tarta bat prestatu du, baina gazte biek oso-osorik jan dute saguentzat ezer utzi gabe. Gauza bera hurrengo egunetan ere. Saguen etsipena izugarria da. Baina plan bat antolatu dute: sagu bat bidaltzea Julieta beldurtzeko. Horrela, Romeok bere babesa eta maitasuna erakusteko aukera izango du, eta tarta saguentzat geratuko da. Esan eta egin: sagu ausartena agertu da baina beldurtu dena Romeo izan da. Hala ere amarrua ondo irten zaie, izan ere eskutik oratu eta elkarri deklaratu egin diote beren maitasuna. Tarta, bitartean, saguentzat.