Adelaide Monteiro ye un eisemplo de la poetisa spuntánea, antuitiba, ancapaç de apresar la corriente de palabras que le sal de andrento, arble abiessa a podas: solto las palabras / cumo a un páixaro ancerrado dies a filo…/ cumo l mar a scumar de raiba… Quando la coinci, por anternete, ansaiaba ls purmeiros bolos públicos na scrita an mirandés, i lhougo me agarrou la gana de raízes que le salie de andrento, ua ansastifaçon sien bordas, ua sede sien auga pa la atamar, ua alma de nina que s’amanha bien a la mulhier madura.