David Lasagabaster Herrarte

Eskola testuinguruaren baitako hizkuntzaren jabekuntza eta erabilera fenomeno konplexuak dira, hainbat faktoreren eragina jasotzen dutenak, hala indibidualak, ikasleen ezaugarriei lotuak, nola gizarte eta eskola ingurunekoak. Konplexutasun hori dela eta, liburu honetako kapituluetan, fenomeno horiek hainbat ikuspegitatik jorratzen dituzten lanak jaso ditugu: soziolinguistikoa, pedagogikoa, linguistikoa eta psikosoziala. Liburuak helburu bikoitza du: alde batetik, hizkuntzen jabekuntza eta erabileraren izaera diziplinartekoa nabarmentzea, eta, bestetik, alor horretan Euskal Herrian egiten ari diren zenbait ikerketa aurkeztea.