Chuse Raul Uson

Una pareya de turistes llega a la ciudá turca de Bodrum. De primeres nin siquiera son conscientes de que se trata de lÆantigua Halicarnasu, onde tuvo una de les Siete Maravíes del mundu. Nel viaxe les decepciones asocédense darréu: lÆhotel ta mui mal asitiáu, lÆaire acondicionao nun funciona, el coche dÆalquiler estrópiase, del afamáu Mausoléu nun queda más que delles ruines poles que nun merez la pena pagar la entrada. Pal narrador dÆesti diariu tamién hai otra clas de decepciones: nun llega la hora dÆusar cola pareya los preservativos que compró primero de partir. Pero xunto a estos contratiempos -que bien podríen valir pa una comedia de vacaciones-, los testos que formen esti diariu de viaxe per Bodrum y Estambul van dando llugar a un puntu de vista que, ente la perplexidá y una estraña firmeza, nos fala del mundu de güei. Murueques ye una reflexón sobre los contrastes de la nuesa civilización, sobre la escritura, lÆamor y la dignidá que queda tres los casares.