Amaia Alvarez Berastegi

Ongizate gizartearen gainbehera betean, eta prekarietatea hedatzen ari den honetan, eskuineko diskurtsoak eta estatuen zentralizazioa indartzen ari dira, herritarren eta langile klasearen kaltetarako, eta gutxi batzuen poltsikoen mesedetan. Horregatik da inoiz baino beharrezkoagoa Euskal Herriaren subiranotasuna aldarrikatzea, gizarte berdinzaleagoa, burujabeagoa eta demokratikoagoa eraikitzeko. Horretarako tresna/bidea da Euskal Errepublika. Aldarri hori, ordea, impasse egoeran da. Manu Robles-Arangiz fundazioa eta ELA sindikatuak bultzatutako liburu honek eztabaida hori hauspotu nahi du: Euskal Herri osoko alor sozialeko, akademiako zein sindikalgintzako egileak elkartu ditu egungo egoeraren azterketa egin, eta Euskal Errepublika aktibatzeko gakoak mahaigaineratzeko, feminismotik, ekonomiatik, lan arlotik zein lurraldetasunaren ikuspegitik, besteak beste.