Premio Barco de Vapor 1986. A novela comeza un 21 de xuño, o día en que remata o curso e se abre para Dores, a protagonista, o tempo cheo de ilusións das vacacións do verán. A victoria nunha divertida e orixinal competición "deportiva" -unha carreira de caracois- vaille dar a oportunidade de emprender unha viaxe a Illa Redonda, un lugar fermoso e máxico onde as fantasías poden converterse en sorpresivas realidades.