Este libro, que se presenta nunha coidada edición de capa dura e que inclúe un CD, é unha escolma de cancións galegas, compostas por Aurora López, con arranxos de Teresa Luján, sobre quince poemas galegos dos séculos XIX e XX, de autores como Rosalía de Castro, Eduardo Pondal, Pura Vázquez, Xosé L. Méndez Ferrín, entre outros. Públicase todo con letras, partituras e as correspondentes gravacións para voz e piano. Velaquí unha publicación especial, testemuña -tamén- do amor por Galicia e a súa literatura de galegos residentes lonxe da súa terra.