1916an Raemaekers Olandi?ar margolari antzetsu erostiaren Marku-ostoak izenburua zuen katalogo-liburuxka argitaratu zen Londresen. 1916ko arte-katalogo bat euskaraz topatzea harrigarria bazen ere, harritzeko arrazoi gehiago daude liburuxkaren argitalpen-hiria Londres dela konturatzen garenean. Zein da arrazoia euskarazko katalogoa Londresen argitaratuta egoteko? Liburuxkak Louis Raemaekers izeneko holandar marrazkilariak egunkarietarako marraztutako irudien bildumak jaso zituen, alemaniarrek Belgikako inbasioan egindako sarraskien ingurukoak, hain zuzen. Marrazkien gaia ikusita, eta Lehen Mundu Gerraren testuinguruan, propagandarako asmoz zabaldutako liburuxka ote zen susma liteke.