La Catalougno e la Prouvènço soun ligado despiéi de téms e de tèms. Istouricamen li liame remonton à 1112 quand Douço de Prouvenço se marrido emé lou comte Ramoun-Berenguié III de Barcilouno. Li dous païs rèston liga direitamen fin qu'à la mort de Ramoun-Berenguié V en 1245. Pièi li vènt de l'istori boufèron de tau biais que Catalougno e Prouvenço semblavon agué perdu tout liame. Mai i'agué lou Felibrige, lou miracle de Mirèio. Li catalan s'enfiouquèron pèr aquelo obro, retroubéron lou camin de Prouvènço e tourna-mai li dous pople se faguèron la brassado.