Regreso ao deserto é a derradeira obra escrita por Bernard-Marie Koltès, logo de realizar a tradución de The Winter's Tale de Shakespeare, antes de Roberto Zucco. Xa moi enfermo, Koltès utiliza nesta obra lembranzas da súa infancia en Metz, cidade de «provincias do leste de Francia», e das relacións coa familia. «Estaba en Metz en 1960. Meu pai era oficial e volveu de Alxeria por aquela época. Ademais, o colexio de Saint-Clément estaba en pleno barrio árabe. Vivín a chegada do xeneral Massu, as explosións dos cafés árabes, todo de lonxe, sen opinións, só me quedaron as impresións, as opinións tívenas máis tarde. non quixen escribir unha obra de teatro sobre a guerra de Alxeria, senón como é posible aos doce anos sentir emocións a partir dos acontecementos externos»