Emaitza hau ekarri duen lanaren jatorrian Gipuzkoako Foru Aldundiko Giza Eskubideetarako, Enplegurako eta Gizarteratzeko Departamentuak pertsona ezgaituekin hartua duen konpromisoa dago, Gipuzkoako Ezgaitasun Plan Estrategikoaren eta Ezgaitasunaren Kontseiluaren bitartez bideratzen dena. Lan honetan Gipuzkoako zentro okupazionalen egoerari buruzko hausnarketa egin da; dagoen dokumentazioa azterturik zentro horien ekarpenak eta mugak zehaztu eta tarteko agenteen ikuspegia jaso nahi izan da, horrekin adimen ezgaitasuna duten gipuzkoarren garapena eta bizi kalitatea hobetzeko helburura gehixeago hurbilduko garelakoan.