Gure Gizarte eta Komunikazio-Zientzien Fakultateko ikasleentzat Komunikabideen ereduak asignatura prestatzeko eguneroko lanean lagungarri izatea da liburu honen helburu nagusia. Apunteak hartzeko lan nekeza, gure ustez eskolak eta, oro har, akademi ekintza izan beharko lukeenetik hain urrun, alde batera utzi eta plangintza berriko asignaturek duten izaera praktikoan sakondu ahal izateko dator liburu hau. Eskuartean duzun lantxo honetan, hortaz, 1996-1997 ikasturtean gure Fakultatearen barruan Kazetaritza II saila eskaintzen hasi zen Komunikabideen ereduak asignaturaren egitarauari jarraitzen diogu, euskarazko komunikabideei dagokienez.