?Irakaspen labur? hauen bidez, arkitektura moderno izenez ezagutzen duguna sorrarazten duten jatorrietako batzuk azaltzen dira, zehaztasun apur batekin ulertarazten saiatzeko. Zernahi dogma edo planteamendu formaletatik aldendurik, esentziaren zati batean murgiltzeko aukera ematen digute, gaur egun oraindik diziplinaren panorama astintzen duten ideietako batzuen bitartez. Ideia horiek ez dira inola ere berriak, ezaugarri garaikideak izanagatik ere; aitzitik, aurreko mendeetan araka eta identifika ditzakegun gertaera-lerro luze batetik sortuak dira. Testu honek, jakintza orokorreko lau zutabe handi oinarritzat hartuta -ikuspegiak, emozioak, ideiak eta marketina-, Ilustrazioko iraultza-garaitik mugimendu modernoaren sorrerara arteko aldia biltzen du, eta zenbait kontzeptu eta egile hartzen ditu ardatz gisa, kontuan izanik mugimendu horren bilakaera irudikatzen dutela beren proposamenen bidez.