Erizaintzako Gradua diseinatzeko, titulazioaren gaitasunak izan ziren abiapuntua eta helmuga. Erizaintzako titulazioaren arloetako bat Erizaintza Klinikoa izenekoa da eta horren barruan hainbat irakasgai daude, erizaintzako gaitasunak garatzeko garrantzi handia dutenak. Erizaintza Klinikoa I irakasgaian aztertzen dira kirurgiak nahiz arnas- nahiz kardiobaskular-sistemako gaixotasunek pertsona helduengan eragin ditzaketen prozesu fisiopatologikoak, diseinatzen dira pertsona horientzat simulatutako zainketa-planak eta plan horietatik eratorritako erizaintza-prozedurak praktikan jartzen dira. Hori guztia, pertsona osotasunean eta banakotasunean zainduz.