Julio Alonso ofrécenos un estudo da muiñeira, froito da súa tese de doutoramento, dentro do contexto global que propicia a súa conformación como elemento simbólico de carácter identitario, desde a aparición das primeiras fontes escritas ata a súa consolidación como xenuína representante da música galega.Neste pormenorizado traballo analízanse os mecanismos que levaron á consolidación da muiñeira como símbolo identitario de Galicia, partindo do seu antecedente inmediato, ?o baile da gaita?, nome co que se coñecía na súa difusión pola Península Ibérica durante o século XVII.