ARKITEKTURA ATLASAren lehenbiziko liburukiak Mesopotamiatik aro paleokristaura arteko arkitektura-lanak lantzen ditu. Bigarren liburuki honek, berriz, basilika kristaua sortu zen garaia du abiapuntu, eta material berriek ekarri duten gaur egungo eraikuntza-iraultzaraino iristen da; tarte horretako arkitekturaren garapena, arazoak eta lanak ditu aztergai, betiere lehen liburukiko irizpide metodologiko berei jarraituz. Irudien aukera ezin hobeak asko lagunduko dio irakurleari, haien bidez formetan eta irtenbideetan hain emankorra izan den garaiari buruzko ezagutzan sakonduko baitu.